Trollenykjen Opp
Nordfjordeid - Sogn og Fjordane
Søndag 2.juli 2023
Resultat 2023
I den 12. utgåva av Trollenykjen Opp var det Johan-Olav Smørdal Botn, Stårheim IL (36:13), og Karoline Holsen Kyte, Førde IL (39:18), som vann.
Det vart ein ny klasserekord i år, og den var det Maren Hjelmeset Kirkeeide, Markane, som stod for. Tida vart 50:28 i klassa D20-22.
Det var til saman 110 som deltok på dagens arrangement, 32 i konkurranse, 45 i mosjon og 33 i barneløp.
Tidene til deltakarane i konkurranseklassane ligg på resultatsida. (Lista inneheld alle historiske resultat tilbake til 2010, men kan filtrerast på klassar og årstal).
Det er lagt ut nokre bilete i albumet, og fleire kan bli lagt til etterkvart.
Eid IL-skigruppa er svært godt fornøgd med deltakinga, og vi går for nytt arrangement til neste år. Takk til alle som deltok!
Rekordtider
Beste tid på Trollenykjen Opp har Thorbjørn Ludvigsen, Varegg, på 33:37 i 2019. Karoline Holsen Kyte, Førde IL Friidrett, har beste tid i kvinneklassa på 38:44 i 2017.
På resultatsida kan du søke i resultat tilbake til 2010.
I hard motbakke opp mot "utsiktsvegkrysset" i Nordfjord
Motbakkeløpet Trollenykjen Opp på 4 km går frå flatene i sentrum og opp til Trollenykjen 898 m.o.h. Frå toppen kan du sjå til Hopland, Sandane, Hyen, Ålfoten, Davik, og Nordfjordeid. Løftar du blikket ser du innover fjella i Indre Nordfjord og nordover mot Sunnmørsalpane.
